1) Amla 5 tola, Har 5 tola, behra 5 tola, ain saab ko bareek pees kay aik Sair pani main bhigho dain. Jab asar nikal aye to khalis Tara Mera kay Oil main pani jazab kar lain. aur har roz ais oil ki malish kia karen ais sa baal ghanay aur chamkdar ho jaen gay.

2) 10 Tola bareey kay patay le kar khoob ragren, jab lais paida ho jae to thora sa pani mila kar sir par khoob malish karen. 30 min kay bad begair kisi soap kay sir dhoo lain . Ais sa baal bohat lambe ghanay aur chamkdar ho jaen gay ye Mujarab O azmoda nuskha hai.

3) khuli Sarsoon 5 Tola ko 250ml Pani Ubaal day kar thanda honay par nithar lain . Ais main aik Lemon ka ras add kar kay baaloon ki jaraon (Roots) main malish kay zariyae lagaen. 1 mah kay amal sa baal lambe hona shuru ho jaen gay.

4) Amla Har,Baal Char,Dhaniya sabit, har aik 5 Tola le kar ain ko 1.5 Kg pani main Bhigho dain. Suba ko aag par paka lain jab pani 375 ml rah jae to kahlis sarsoon ka oil 250ml, kale tilo kay oil 250ml, 250ml Tara meera oil add kar kay paknay rakh dain. Jab paka hoa pani khatam ho jae to thora thora safoof ritha dalen. agar zaida dala to zabardast ubaal a jae ga, aur sara oil gir jae ga, Jab ubaal kahtam ho jae to ais ko thanda kar kay mehfooz kar lain.

Har roz sir par malish karen aur 30 min kay baad sir dho lain. Baaloo ka lajawab aur azmoda tonik hai..